May iniwang note ang beteranong aktor na si Ronaldo Valdez, 77, bago ito binawian ng buhay noong Disyembre 17, 2023.
“Nag-post ang daddy ko, e, parang minutes before,” pagsisiwalat ni Janno Gibbs nitong Enero 15, 2024, Lunes ng hapon, sa Club Filipino ng Greenhills, San Juan City.
“Nag-post siya sa Facebook, e, ng parang goodbye, ganun-ganun. ‘No viewing,’ ganun.
“Nag-post siya, na nalaman na lang namin after. Kasi, di namin nasisilip yung Facebook. Nag-post pala siya ng ganun.
“I took it down. Nung nakuha ko yung phone niya, binaba ko na. Kasi, hindi maganda tingnan, e. Di ba?
“Pero nasulat niya dun na 'no viewing.' So, nirespeto ko yun.”
Dalawang gabi lang pinaglamayan ang cremains ni Ronaldo sa Loyola Memorial Chapels and Crematorium sa Brgy. Guadalupe Viejo, Makati City.