Arestado ang walong lalaki na sangkot umano sa online illegal gambling sa ikinasang operasyon ng Philippine National Police Anti-Cybercrime Group sa Balanga City, Bataan kahapon.
Sa video mula sa PNP- ACG, makikita na habang nagsasagawa ng online raffle ang dalawang lalaki, biglang pumasok ang mga operatiba at pinatigil ito.
Ayon sa PNP-ACG, nag-ugat ang kanilang operasyon nang magreklamo ang Philippine Amusements and Gaming Corp. (PAGCOR) sa kanilang tanggapan noong August 10. PAGCOR ang nangangasiwa sa ligal na sugal sa Pilipinas.